אויף די איניציאטיוו פונעם ווילעזדש, איז דעם פארגאנגענעם דאנערשטאג פארגעקומען א קאנפערענץ צווישן אלע דעוועלאפערס, בויערס און קאנטראקטערס וואס טוען ארבעטן דאהי, ווי עס האבן זיך אויך באטייליגט די ווילעדזש אינזשעניר, בילדינג אינספעקטאר, קאוד ענפארסמענט און ווילעדזש טראסטיס.

ביים קאנפרענץ איז געווארן אויסגעשמועסט ענינים העומדים על הפרק, ווי ברוך השם די שטאט איז מוסיף והולך להרבות חיל ולהרחיב גבולי הקדושה און עס מאכט זיך כסדר פרישע שאלות אין ענינים וואס מען ברויך איבערשמועסן, זאכן וואס מען האט נישט פון פאראויס געזען אדער גערעכנט, און ווי אויך כסדר צו האלטן גוטע קשרים און אן אפענע ליניע פון קאמיוניקאציע פאר סיי וועלכע מצבים עס זאל נאר אויפקומען, איז ביים זיצונג געווארן אויסגעשמועסט פונקטליך צו מאכן זיכער אז די ארבעט פארט ווייטער געשמירט און צו די זעלבע צייט איז עס לטובת ולתועלת סיי פאר די איינוואוינער פונעם ווילעדזש און ווי אויך פאר די נייע דירות פראיעקטן, א שטייגער ווי האלטן די גאסן ריין און פארזיכערט ביי די קאנסטרוקציע און די דזשאב סייטס, און אזוי אויך איבער אלע אנגעלעגנהייטן ווי סיידוואלקס, פארקינג א.א.וו. זיכער צו מאכן אז אלעס קומט נאך די פארשריפטן און איז מסודר על צד יותר טוב.

אזוי אויך איז געווען א געלעגנהייט ביים זיצונג פאר די קאנטראקטערס זיך צינויף צורעדן צווישן זיך און מיט די ווילעדזש, ווי עס איז פארגעקומען א ״שאלות און ענטפערס״ סעסיע, די זיצונג איז געווען גאר פראדוקטיוו און הילפבאר צו די צופרידנהייט פון די באטייליגטע.

דער ציהל פונעם ווילעדזש איז צו דורכפירן ענליכע קאנפערענצן יעדע פאר מאנאטן, זיכער צו מאכן אז עס איז שטענדיג פארהאן אן אפענע ליניע - שמוע בין אחיכם, אז די קאנסטרוקציע ארבעט אינעם ווילעדזש זאל קענען פארן געשמירט בעזהשי״ת, אן קיין שום אינצידענטן און אפשטעלונגען.

ובשם השם נעשה ונצליח!