אין די איצטיגע וואכן ווערט דורכגעפירט א נויטיגע רייניגונג און סורוועי איבער אלע סועדזש ליניעס דורכאויס דעם גאנצן ווילעדזש, ווי א ספעציעלע פירמע טוט דזשעטן די ליניעס עס אויפצורייניגען און צו די זעלבע צייט לייגט מען אריין קאמערעס אין די ליניעס, צו טרעפן ווי עס איז פארהאן לעכער און שפאלטנס דורכאויס דעם סוער סיסטעם.

אזויווי די פארעלטערטע ליניעס טוען זיך שפאלטן און צוברעקלען, ווי אין די פארגאנגענע יארן איז די ווילעדזש געווען אין א ״רעאקטיווע״ שטימונג, ווי מען האט שטענדיג געברויכט פאררעכטן ליניעס וואס האבן זיך צובראכן, ברוך השם ווי מיר שטיייען היינט, איז דער מצב היפש אונטער קאנטראל, ארבעט אצינד דער ווילעדזש מיט א ״פרא-אקטיווע״ צוגאנג, ווי אנשטאט די ווילעדזש זאל זיין פארנומען מיט פארשטאפן לעכער וואס האבן זיך געמאכט, האט שוין די ווילעדזש די הרחבת הדעת און די מעגליכקייט צו זיין מיט א טריט פאראויס און טרעפן די שפאלטן און פראבלעמען איידער עס ווערט א ערנסטע ליעק און סוער מעין-ברעיק.

אין די איצטיגע טעג, פארט די פירמע ארום איבער אלע גאסן פון שטאט צו דזשעטן די ליניעס און צו אינספעקטירן די ליניעס, ווי אין רוב פעלער קען א שפאלט ווערן פארראכטן אן דארפן אויפגראבן, דורך א ספעציעלע ליינינג פראצעדור, ווי אלע שפאלטנס ווערן פארשטאפט דורך א ספעציעלע מאשין, און ביי די פעלער ווי עס מאכט זיך אז מען דארף מער ארבעט צו פאררעכטן די שפאלטנס, וועט די ווילעדזש אויפעפענען דעם ראוד צו איבערמאכן די ליניע.

די ארבעט וועט נאך נעמען אפאר וואכן, דורכאויס די צייט, קענט איר באמערקן ביי אייך אינדערהיים אז די דרעינס פון די סינקס און ביה״כ זאלן באבלען, איר דארפט זיך נישט זארגן, עס איז בלויז א חלק פון די פרעשורעזירונג און דזשעטינג פראצעדור, וואס ווערט איצטערט דורכגעפירט אויף די ליניעס.

מיר וועלן ווי שטענדיג האלטן דער עולם אינפארמירט מיט ווייטערדיגע אפדעיטס. פאר סיי וועלכע אנפראגעס קענט איר שטענדיג אריינרופן אינעם ווילעדזש אפיס אויף 845.782.2600.